ဂျူနီယာဝင်း ဘာသာပြန် အဲလစ်နဲ့ အံ့ဖွယ်ကမ္ဘာ ထွက်ပြီ

ဂျူနီယာဝင်း ဘာသာပြန် အဲလစ်နဲ့ အံ့ဖွယ်ကမ္ဘာ ထွက်ပြီ

(မိုးမခ) မေ ၂၂၊ ၂၀၁၉



မိုးမခစာပေက ထုတ်ဝေပြီး ဆိပ်ကမ်းသာကနေ ဖြန့်ချိတဲ့ ဂျူနီယာဝင်း ဘာသာပြန် 'လူးဝစ်ကာရိုးလ်၏ အဲလစ်နဲ့ အံ့ဖွယ်ကမ္ဘာ' စာအုပ် ထွက်ပါပြီ။ တတိယအကြိမ်နှိပ်ခြင်းဖြစ်ပြီး စာမျက်နှာ ၁၅၄၊ အုပ်ရေ ၅၀၀၊ တန်ဖိုး ၃၀၀၀ ကျပ် ဖြစ်ပါတယ်။



အောက်စ်ဖိုဒ့်တက္ကသိုလ်က သင်္ချာပါမောက္ခက သင်္ချာပဟေဠိတွေ စဉ်းစားစရာတွေနဲ့ တန်ဆာဆင်ထားတဲ့ ကလေးပုံပြင်စာအုပ်ဟာ ထင်ရှားတဲ့ အင်္ဂလိပ်ဂန္တဝင်စာအုပ်ဖြစ်ပါတယ်။ နိုင်ငံတကာမှာ အကြိမ်ကြိမ် ဘာသသာစကားစုံနဲ့ ဘာသာပြန်ကြပြီး သရုပ်ဖော်ပုံများကိုလည်း ခေတ်အဆက်ဆက် ကာတွန်းပန်းချီများ ဟန်ကိုယ်စီနဲ့ ဆွဲခဲ့ကြပါတယ်။ ရုပ်ရှင်ကော ကာတွန်းကားများပါ ရိုက်ကူးခဲ့ကြရတဲ့ ကလေးပုံပြင်ဖြစ်ပါတယ်။



သည်တတိယအကြိမ်နှိပ်ခြင်းမှာ မိုးမခက ကာတွန်းဆရာ မောင်ရစ်က သူ့ကိုယ်ပိုင်ဟန်နဲ့ သရုပ်ဖော်ပုံများ ရေးဆွဲပေးထားတာကို တွေ့ရမှာ ဖြစ်ပါတယ်။ ၂၀၀၆ က ပထမအကြိမ်၊ မုံရွေးတိုက်က မူရင်းသရုပ်ဖော်ပုံများနဲ့ ထုတ်ခဲ့ပါတယ်။ ၂၀၀၇ မှာ ထွန်းဖောင်ဒေးရှင်း ကလေးစာပေဆု ရခဲ့ပါတယ်။ ၂၀၁၆ မှာ ဒုတိယအကြိမ်ကို နေရီရီစာပေက ထုတ်ပါတယ်။ အဲသည်တုန်းက ကျင်းပခဲ့တဲ့ ကလေးစာပေပွဲတော်အတွက် ထုတ်ခဲ့တာပါ။ အခု တတိယအကြိမ်က မိုးမခကနေ ၂၀၁၉ မှာ ထုတ်ဝေခြင်း ဖြစ်ပါတယ်။


ဖြန်ချိရေး – ဆိပ်ကမ်းသာစာပေ – အမှတ် ၁၃ / ၃၈ လမ်း။ ပလာဇာ​စျေးသစ် ။ ဝ၉ ၇၈၆၈၃၇ ၃၀၅ / ဝ၉ ၉၆၃၆၉၉၈၃၄ ကနေ အနယ်နယ်အရပ်ရပ်နဲ့ ရန်ကုန်စာအုပ်ဆိုင်ကြီးများကို ဖြန့်ချိလိုက်ပါပြီ။ တအုပ်ချင်း အမှာစာများကိုလည်း ဖေ့စ်ဘွတ်ကဖြစ်စေ ဖုန်းနဲ့ဖြစ်စေ ဆိပ်ကမ်းသာမှာ မေးဝယ်နိုင်ပါတယ်။ စာတိုက်ပို့ခသာ ဆောင်းပေးရန် လိုပါတယ်။

Comments